एजेन्सी । नर्वेकी प्रधानमन्त्री एर्ना सोलवर्गलाई प्रहरीले जरिवाना गरेको छ ।
कोरोना संक्रमण नियन्त्रणका लागि लागू गरिएको सामाजिक दूरीको नियम उल्लंघन गरेपनि उहाँलाई जरिवाना गरिएको हो । जरिवानास्वरुप उहाँलाई २ हजार ३ सय डलर (२० हजार नर्वेजियन क्राउन) जरिवाना तोकिएको हो ।
जन्मदिन मनाउन परिवार तथा साथीभाइको जमघट गर्दै सामाजिक दूरीको नियम उल्लंघन गरेको भन्दै प्रहरीले कारवाही गरेको जनाएको छ ।
गत फेब्रुअरीको अन्त्यतिर एक माउन्टेन रिसोर्टमा १३ जना पारिवारिक सदस्यबीच प्रधानमन्त्री सोलवर्गले आफ्नो ६०औं जन्मदिन मनाउनुभएको थियो ।
यद्यपि उहाँकै सरकारले भने कुनै पनि कार्यक्रममा १० जनाभन्दा बढी मानिस भेला हुन निषेध गरेको थियो ।
