एजेन्सी । विश्वकप २०२३ को ३७ औँ खेल भारत र दक्षिण अफ्रिकाबीच कोलकाताको इडेन गार्डेनमा जारी छ । यो खेलमा सबैको नजर विराट कोहलीमाथि छ । आज उनको जन्मदिन पनि हो । विराट ३५ वर्षका भइसकेका छन् ।

उनी एकदिवसीयमा सचिन तेन्दुलकरको ४९ शतकको रेकर्डबाट एक शतक मात्र टाढा छन् । यदि विराटले आफ्नो जन्मदिनमा यो कीर्तिमान बराबरी गरे भने यो फ्यानका लागि उपहारभन्दा कम हुनेछैन । विराटको नाममा अहिलेसम्म ४८ ओडीआई शतक छ ।

यसैबीच यहाँ आफ्नो जन्मदिनमा ओडीआई खेलमा शतक बनाउने खेलाडीहरुबारे जानकारी लिऔं ।
ब्याट्सम्यान                               स्कोर                                 विरुद्ध                               मिति
टम लाथम                         १४० नटआउट                       नेदरल्यान्ड्स                  २/०४/२०२२
रस टेलर                            १३१ नटआउट                         पाकिस्तान                  ०८/०३/२०२११
सनथ जयसूर्या                    १३०                                      बंगलादेश                      ३०/०६/२००८
मिचेल मार्श                        १२१                                   पाकिस्तान                         २०/१०/२०२३
सचिन तेन्दुलकर                 १३४                                   अष्ट्रेलिया                      २४/०४/१९९८
विनोद काम्बली                  १०० नटआउट                     इंग्ल्याण्ड                       १८/०१/१९९३