इजरायलमा शनिबार बिहानै प्यालेस्टिनी हमास समूहले गरेको जबर्जस्त आक्रमणबाट ७० भन्दा बढी इजरायली नागरिकको मृत्यु भएको छ ।
जवाफमा इजरायलले पश्चिमी गाजा क्षेत्रमा गरेको हवाई प्रत्याक्रमणमा २०० भन्दा बढीको ज्यान गइसकेको छ ।
रिपोर्ट अनुसार, अझै पनि केही इजरायली सैनिक र नागरिक हमास लडाकुको कब्जामा रहेका छन् । बन्धक बनाइएका इजरायली नागरिकलाइ हमासका लडाकूले प्यालेस्टिनी क्षेत्रतर्फ लगेका दृश्यहरू देखिएका छन् । तर कति मानिस हमासको कब्जामा छन् भन्ने स्पष्ट भइसकेको छैन ।
हमासका लडाकूको गोलाबारी र गाजाबाट प्रहार गरिएका क्षेप्यास्त्र लागेर घाइते ठूलो संख्यामा इजरायली नागरिक घाइते भएका छन् । अस्पताल स्रोतका अनुसार, झण्डै सात सय इजरायलीहरू अस्पतालमा भर्ना भएका छन् भने केहीको अवस्था गम्भीर रहेको छ ।
इजरायली प्रधानमन्त्री बेन्यामिन नेतन्याहूले आफ्नो मुलुक युद्धमा रहेको बताउनु भएको छ ।
संयुक्त राज्य अमेरिका समेतका पश्चिमा देशहरूले इजरायलले आत्मरक्षा गर्न पाउने बताइरहेका छन् भने केही देशले संयम अपनाउन आग्रह गरेका छन् ।
