जनकपुरधाम । नेकपा एमालेका नेता माधवकुमार नेपालले पार्टी अध्यक्ष एबं प्रधानमन्त्री केपी ओलीको दम्भ धरहराभन्दा माथि उक्लिएको बताउनु भएको छ ।
बिहिबार मात्र नागपोखरीको होटल मेरियटमा वार्ता गरी दुबै नेताले बैशाख ११ गते शनिबार उद्घाटन हुने धरहरा हेरेको फोटो सार्बजनिक भएको थियो ।
अध्यक्ष ओली संग को छलफल सकेर जनकपुर पुग्नु भएका नेता नेपालले शुक्रबार बिहान आयोजित पत्रकार सम्मेलनमा नेता नेपालले भन्नुभयो ने ‘केपी ओली कुनै पनि हालतमा एकताको पक्षमा हुनुहुन्न । उहाँमा माने मान, नमाने बाटो खुला छ भन्ने दम्भ छ ।’
बुुधबार र बिहिबार दुई पटक गरी झण्डै चार घण्टा भन्दा बढि समय एकल सम्बाद गर्नुभएका नेता नेपालले बालुवाटारको बालुवा पेलेर तेल ननिस्कने बताउनुभयो । अध्यक्ष ओली पार्टी एकताको पक्षमा नभएको दाबी गर्दे उहाँले आफ्नो निर्णय माने मान, नमाने पार्टी छाड् भने शैली ओलीमा देखिएको टिप्पणी गर्नुभयो ।
आफूहरु ओलीलाई अध्यक्ष र प्रधानमन्त्री बाट हटाउने पक्षमा नरहेको तर पार्टी भने बिधि र पद्दती बाट संञ्चालन होस भन्ने मात्र उद्देश्य रहेको नेता नेपालले बताउनु भयो ।
