काठमाडौँ । कार्यवाहक प्रधानमन्त्री पूर्णबहादुर खड्काले सरकारसँगको वार्तामा राहत शिक्षकका प्रतिनिधि पनि सहभागी भएर सहमति गरेको बताउनुभएको छ ।
दुई दिनअघि सरकार र आन्दोलनरत शिक्षक महासंघबीच सहमति भए पनि उक्त सहमतिमा विरोध जनाउँदै राहत शिक्षकहरुले आन्दोलनलाई जारी राखेका छन् ।
महासंघको नेतृत्वमा भएको आन्दोलनसँग सम्बन्धित शिक्षक संगठनका सबैप्रतिनिधि सहभागी भएर सहमति बनेको कावा प्रधानमन्त्री खड्काले बताउनुभयो ।
राहत शिक्षकका अध्यक्षहरु पनि सरकारसँगको वार्तामा सहभागी भएको उहाँको भनाइ थियो । नेपाली कांग्रेसको केन्द्रीय समितिको बैठकमा पार्टी उपसभापति खड्काले भन्नुभयो, “तस्वीरमा पनि देखिन्छ र उप्रप्रधानमन्त्रीले मलाई त्यहीअनुसारको व्रिफिङ पनि गर्नुभएको छ ।’
उहाँका अनुसार सहमतिमा शिक्षकका धेरै कुरा सम्बोधन गरिएको र थप विषय विधेयक संशोधन, नियमावली र कार्याविधि मार्फत सम्बोधन गरिने छ ।
सरकार र शिक्षक महासंघबीच भएको सहमतिप्रति असन्तुष्ट राहत शिक्षकहरुले प्रदर्शनलाई जारी राखेका छन् । उनीहरले सोमबार सडकमा सुतेर विरोध प्रदर्शन गरेका छन् ।
