काठमाडौं। नेकपा एमालेका बरिष्ठ नेता माधवकुमार नेपालले एकताबद्ध एमालेका लागि वार्ता र लचकता अपनाउने उल्लेख गर्नुभएको छ ।
सामाजिक संञ्जाल फेसबुकमा एक स्टाटस पोष्ट गर्दै नेता नेपालले अहिलेसम्म कुनै सहमति नभएको स्पष्ट पार्दै आफूहरुले सिद्धान्तनिष्ठ, क्रान्तिकारी, नीति र विधिको आधारमा चल्ने सुदृढ र एकतावद्ध एमाले चाहेको उल्लेख गर्नुभएको छ ।
नेता नेपालले लेख्नु भएको छ – हामी सिद्धान्तनिष्ठ, क्रान्तिकारी, नीति र विधिको आधारमा चल्ने सुदृढ र एकतावद्ध एमाले चाहन्छौं किनकी यो हामीले निर्माण गरेको पार्टी हो । यसका लागि वार्ता र लचकता दुवै अपनाउछौँ, तर अहिले सम्म कुनै सहमति भएको छैन ।
२०७७ फागुन २८ गते र तत्पश्चात बसेका कथित बैठकहरू र त्यसले गरेका निर्णयहरू फिर्ता लिनुपर्छ र २०७५ जेष्ठ २ गतेको कमिटी, विधान र नेतृत्व नै हाम्रो बटम लाइन हो । यस सम्बन्धमा कुनै किसिमको भ्रममा नपर्न, नअल्मलिन र सुदृढ र सशक्त पार्टी बनाउने महान अभियानमा लागिरहन आह्वान गर्दछौं।
