काठमाडौं । प्रमुख प्रतिपक्षी नेपाली काँग्रेसका सभापति शेरबहादुर देउवा संसदीय दलको बैठकबाट बाहिरिएका छन्। काँग्रेस संसदीय दलको बैठकबाट निस्केका देउवाले प्रधानमन्त्री केपी शर्मा ओलीविरुद्ध अविश्वासको प्रस्ताव दर्ता गर्नेबारे टुंगो लागिनसकेको बताएका हुन् ।
देउवा बैठकबाट बाहिरिए पनि बैठक भने जारी रहेको जनाइएको छ। स्रोतका अनुसार देउवाले प्रचण्डसँग ओलीविरुद्ध अविश्वासको प्रस्ताव दर्ता गर्नेबारे आफ्नो दलको बैठकमा छलफल गर्ने बताएका थिए। तर शनिबार उनले यसबारे टुंगो नलागेको दाबी गरेका हुन्।
बैठकमा सहभागी नेपाली कांग्रेसका एक सांसदका अनुसार प्रधानमन्त्री केपी शर्मा ओलीविरुद्ध अविश्वासको प्रस्ताव ल्याउने विषयमा अरु दलसँग छलफल गर्न देउवा बैठकबाट बाहिरिएका हुन्। काँग्रेसले यो बैठक लगत्तै कानुनीविद्हरुसँग छलफल गर्ने तयारी गरेको छ।
