काठमाडौं । प्रधानमन्त्री पुष्पकमल दाहाल ‘प्रचण्ड’ले सदनको अवरोध खुलाउनेबारे प्रमुख दलहरुसँग छलफल गर्ने भएका छन् ।
सिंहदरबारस्थित प्रधानमन्त्री कार्यालयमा छलफलको लागि साढे १२ बजेको समय तोकिएको प्रधानमन्त्रीका प्रेस सल्लाहकारले जानकारी दिए ।
प्रधानमन्त्री प्रचण्डले सदनको अवरोध खुलाउनेलगायत समसामयिक विषयमा राष्ट्रिय मान्यताप्राप्त दलका नेताहरूसँग छलफल गर्न लागेका बताईएको छ ।
प्रमुख प्रतिपक्ष दल नेकपा एमालेले ६० किलो सुन तस्करी प्रकरणमा उच्चस्तरीय छानबिन समितिको अडानसहित साउन १० गतेबाट निरन्तर बैठक अवरुद्ध गर्दै आएको छ । बैठकमा सुन प्रकरणको छानबिनलगायत ललिता निवास प्रकरणमा पनि छलफल हुन सक्ने बताइएको छ ।
