काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले प्राधिकरणको वार्षिक प्रतिवेदन सार्वजनिक गरेका छन् ।
३८औं वार्षिकोत्सको अवसर पारेर घिसिङले प्राधिकरणको वार्षिक प्रतिवेदन सार्वजनिक गरेका हुन् । जसमा विद्युत उत्पादनमा वृद्धि, प्रसारण तथा वितरण लाइन विस्तार, विद्युत खपतमा वृद्धि, स्वदेशमा खपत हुन नसकेको विद्युत निर्यात गर्न सफल भएको बारेका उल्लेख गरिएको छ ।
घिसिङले प्राधिकरणले ७ वर्षदेखि नाफा कमाउँदै आएको उल्लेख गर्दै गत आर्थिक वर्षसम्म आउँदा वार्षिक १२ अर्ब ३३ करोड नाफा आर्जन गरी ३६ अर्व ६७ करोड सञ्चित नाफा गरेको बताएका छन् ।
यस्तै, उनले राष्ट्रिय ग्रीडको पहुँचबाट ९५ प्रतिशत र साना तथा लघु जलविद्युत आयोजना एवम् सौर्य विद्युतबाट ३ प्रतिशत गरी ९८ प्रतिशत जनताले विद्युत सेवा प्राप्त गरिरहेको बताए । साथै उनले आगामि २ वर्ष भित्र सबै जनताकहाँ बिजुलीको पहुँच पुग्ने बताए ।
यस्तै, प्राधिकरणले कर्मचारीहरूको सेवासुविधा पनि वृद्धि गरेको छ । प्राधिकरणले हरेक वर्ष कर्मचारीलाई दिँदै आइएको वार्षिक उत्सव भत्ता १५ हजारलाई निरन्तर दिएको छ भने महिला कर्मचारीलाई दिएको प्रशुति भत्ता बढाएर १५ हजार पुर्याएको छ ।
त्यस्तै विद्युतीय सवारी साधन खरिदमा रु तीन लाखबाट ५ लाख रुपैयाँ पुर्याइएको छ भने शैक्षिक अनुदान ३० हजार पुर्याइएको छ । यस्तै कर्मचारीलाई दिँदै आएको दैविक प्रकोप अनुदान रु २० हजारबाट ४० हजार बनाईएको छ।
यस्तो छ घिसिङले पेश गरेको प्रतिवेदनको पूर्णपाठ:
