काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्रप्रसाद लिङ्देनले कुनै पनि आवरणमा भ्रष्टाचार र भ्रष्टाचारीले छुट पाउन नहुने टिप्पणी गर्नुभएको छ ।
सामाजिक सञ्जाल फेसबुकमार्फत उहाँले नक्कली भुटानी शरणार्थी र ललिता निवास जग्गा प्रकरणमा दोस्रो चरणको अनुसन्धान प्रारम्भ हुनै लागेको बेला अनुसन्धानमा संलग्न मुख्यमुख्य प्रहरी अधिकृतहरुलाई सरुवा गर्न लागेको भन्ने समाचारप्रति उक्त टिप्पणी गर्नुभएको हो ।
उहाँले यदि अनुसन्धानमा संलग्न प्रमुख प्रहरीलाई सरुवा गर्ने र बाँकी अनुसन्धानलाई फासफुस पार्ने टुंगो लागेको भए आफूहरु यसप्रति सचेत रहेको र कुनै पनि हालतमा भ्रष्टाचार र भ्रष्टाचारीले छुट पाउन हुन्न भन्दै चेतावनी दिनुभयो ।
उहाँले लेख्नुभएको छ-
नक्कली भुटानी शरणार्थी र ललिता निवास जग्गा प्रकरणमा दोस्रो चरणको अनुसन्धान प्रारम्भ हुुन लागेको भनिएकै बेला काले काले मिलेर खाउँ खाउँ भाले भन्ने टुङ्गो लाग्यो रे रु
अब नियमित जस्तो बनाएर अनुसन्धानमा संलग्न मुख्य मुख्य प्रहरी अधिकृतहरुलाई सरुवा गर्ने र हस् हजुरलाई ल्याएर बाँकी काम फासफुस पार्ने टुंगो लाग्यो रे रु
के यो सत्य हो ?
होस गरेस् ,हामी जागा छौँ अब कुनै आवरणमा पनि भ्रष्टाचार र भ्रष्टाचारीले छुट पाउनु हुन्न !
