एजेन्सी । आजको समयमा धेरैजसो मानिसहरु साहसिक कार्यको सौखिन हुन्छन् । जसका लागि मानिसहरु ठूला हिमालहरु पनि चढ्ने हिम्मत गर्छन् ।
अहिलेसम्म तपाईले मानिसले मात्र साहसिक कार्य गरेको देख्नुभएको वा सुन्नु भएको होला, तर के तपाईले कुनै जनावरलाई साहसिक कार्य गरेको देख्नुभएको छ ।
यसैबीच एउटा ऊँटले जिपलाइनिङको मजा लिएको छ । अचम्मको कुरा, यो संसारको सबैभन्दा लामो जिपलाइनिङ हो, जसमा ऊँट स्टन्ट गरेको छ ।
यो भाइरल भिडियो युएईको रहेको बताइएको छ, जसमा एउटा विशाल ऊँट तारमा झुण्डिएर विश्वको सबैभन्दा लामो जिपलाइनको मजा लिइरहेको छ । यो जिपलाइन २.८ किलोमिटर लामो छ, जसमा १५० किलोमिटर प्रतिघण्टाको गतिमा यात्रा गर्न सकिने बताइएको छ ।
भिडियो हेरेका कतिपयले ऊँटलाई यातना दिएको महसुस गरेको हुनुपर्छ, तर, यो एउटा एनिमेसन हो, यसको मतलब वास्तविकतामा ऊँट छैन ।
यो पुरा भिडियो कम्प्यूटर जेनेरेटेड इमेज (सीजीआई)को सहयोगमा बनाइएको हो, जुन हेर्दा एकदमै वास्तविक देखिन्छ, जसलाई हेरेर अहिलेसम्म धेरै मानिसहरु झुक्किएका छन् । भिडियोमा ऊँटले हेलमेट र सनग्लास लगाएको देखिन्छ ।
भिडियो जुम गरेपछि तपाईले बुझ्नुहुनेछ कि यो वास्तविक होइन, तर ऊँटको कृत्रिम संस्करण हो । ४ दिनअघि सेयर गरिएको यो भिडियोलाई ४ लाख ३३ हजारभन्दा बढीले लाइक गरेका छन् । योसँगै भिडियो हेरेका मानिसहरुले विभिन्न प्रतिक्रिया दिइरहेका छन् ।
📹#ViralVideo: A video posted by UAE travel agency #RaynaTours, of a ‘camel’ strapped in a safety harness as it takes flight on the world’s longest #zipline in RAK has amused — and shocked — netizens. @raynagroup #UAE #RasAlKhaimah pic.twitter.com/O2DTLtJBNx
— Khaleej Times (@khaleejtimes) August 12, 2023
