सल्यान । सल्यानमा देउता चढेको भन्दै छोराले आफ्नै आमाको हत्या गरेका छन् ।
शारदा नगरपालिका-१३ माथिल्लो सल्यानचौर बस्ने २३ वर्षीय नवीन भण्डारीले एक्कासी आफूलाई देउता चढेको भन्दै लठ्ठीले टाउकोमा प्रहार गरी आमाको हत्या गरेका हुन् ।
लठ्ठीको प्रहारबाट आमा ४८ वर्षीया शारदा भण्डारीको घटनास्थलमै मृत्यु भएको प्रहरीले जनाएको छ ।
नवीनलाई पक्राउ गरी यस सम्बन्धमा थप अनुसन्धान भईरहेको प्रहरीले बताएको छ ।
