काठमाडौँ । नेकपा (एमाले) का अध्यक्ष तथा प्रमुख प्रतिपक्षी दलका नेता केपी शर्मा ओलीले सत्ताधारी दलले देश लुटिरहेको आरोप लगाउँदै एमाले चुप लागेर बस्न नहुने बताउनुभएको छ ।
नयाँ बानेश्वरस्थित संसद् भवनमा बुधबार एमाले संसदीय दलको बैठकलाई सम्बोधन गर्दै उहाँले सत्तारुढ दलले नांगो नाच देखाइरहेकाले एमाले चुप लागेर बस्न नहुने बताउनुभएको हो ।
“सत्ताधारी दलले देश लुटिरहेका छन्, नांगो नाच देखाइरहेका छन् । अब हामी चुप लागेर बस्नु हुँदैन”, उहाँले भन्नुभयो ।
सुन तस्करीसहितको विषयमा संसद्मा उठाउने विषयमा छलफल गर्न एमाले संसदीय दलको बैठक बसेको हो ।
सुन तस्करीमा गृहमन्त्रीको भूमिकालाई लिएर एमाले प्रश्न गर्दै आएको छ । सुन तस्करीमा आफूहरूलाई मुछेको भन्दै ओलीले असन्तुष्टि व्यक्त गर्दै आउनुभएको छ ।
