काठमाडौँ । परराष्ट्रमन्त्री नारायणप्रकाश (एनपी) साउद र संयुक्त राज्य अमेरिकाका दक्षिण तथा मध्य एसिया हेर्ने सहायक विदेशमन्त्री डोनाल्ड लूबीच शिष्टाचार भेट भएको छ ।
एक दिने नेपाल भम्रणका लागि आज यहाँ आइपुग्नुभएका सहायक विदेशमन्त्री लूले परराष्ट्रमन्त्री साउदसँग उहाँको कार्यकक्षमा भेटवार्ता गर्नु भएको हो ।
भेटमा नेपाल–अमेरिका सम्बन्ध र सहकार्यका विषयमा छलफल भएको मन्त्रालयले जनाएको छ ।
सहायक विदेशमन्त्री लूले भ्रमणका क्रममा प्रधानमन्त्री पुष्पकमल दाहाल ‘प्रचण्ड’सँग पनि भेट गर्नुहुनेछ । यसअघि उहाँले नेपाली कांग्रेसका सभापति शेर बहादुर देउवा, नेकपा एमालेका अध्यक्ष केपी शर्मा ओलीसँग भेट गर्नुभएको थियो ।
