काठमाडौँ । दक्षिण तथा मध्य एसिया हेर्ने अमेरिकी सहायक विदेशमन्त्री डोनाल्ड लु काठमाडौँ आइपुगेका छन् ।
नेपालस्थित अमेरिकी दूतावासका अनुसार नेपाल बसाइका क्रममा लुले प्रधानमन्त्री पुष्पकमल दाहाल ‘प्रचण्ड’सहित विभिन्न राजनीतिक कदका शीर्ष नेताहरूसँग भेटवार्ता गर्नेछन् । लुले प्रधानमन्त्री पुष्पकमल दाहाललाई भेटेर उनकी पत्नी सीता दाहालको निधनमा समवेदना व्यक्त गर्ने कार्यक्रम छ ।
विदेशमन्त्री लुले नेपाली कांग्रेसका सभापति शेरबहादुर देउवा र नेकपा एमाले अध्यक्ष केपी शर्मा ओलीसँग शिष्टाचार भेट गर्ने कार्यक्रम छ ।
अमेरिकी सरकारको सहयोग अनुदानमा आधारित मिलेनियम च्यालेन्ज कर्पोरेशन सम्झौताको कार्यान्वयन सुरु हुन मात्र एक महिना बाँकी हुन एक महिना बाँकी हुन लागेको भ्रमण सोही सेरोफेरोमा केन्द्रित हुने अनुमान गरिएको छ ।
काठमाडौँस्थित अमेरिकी दूतावासका अनुसार उनले अमेरिकी चेम्बर अफ कमर्सका पदाधिकारीसँग पनि छुट्टै छलफल गर्नेछन् । जसमा उनलेले सीप आदानप्रदानसँगै वैश्लिक प्रतिष्पर्धाका लागि आवश्यक कार्यका विषयमा विमर्श गर्ने बताईएको छ ।
यसअघि विदेशमन्त्री लु अमेरिकी संसदबाट अनुमोदन हुनेताका नेपाल भ्रमणमा आएका थिए । एक दिनका लागि नेपाल भ्रमणमा आइपुगेका लु लामो समयदेखि नेपालसँग परिचित रहेका छन् ।
