काठमाडौँ । प्रमुख प्रतिपक्षी दल नेकपा (एमाले) ले प्रधानमन्त्री पुष्पकमल दाहाल प्रचण्डको पछिल्लो अभिव्यक्तिप्रति आपत्ति जनाएको छ ।
भारतको जम्मुबाट नेपाल आई व्यवसाय थालेका सरदार प्रीतम सिंहको पुस्तक विमोचन क्रममा प्रधानमन्त्री प्रचण्डले आफूलाई प्रधानमन्त्री बनाउन सिंह पटक पटक दिल्ली गएको बताउनुभएको थियो ।
प्रधानमन्त्रीको कुर्सीमा बसेर प्रचण्डले दिएको अभिव्यक्ति निन्दनीय भएको र यसले राष्ट्रको सार्वभौमिकतामै असर परेको भन्दै एमालेले बुधबार दिउँसो १:३० बजे उक्त अभिव्यक्तिलाई लिएर विराधे जनाउन संसदीय दलको बैठक बोलाएको छ ।
एमालेका एक नेताका अनुसार प्रधानमन्त्रीको उक्त टिप्पणी असहनीय भएकाले नयाँ बानेश्वरस्थित संसद भवन ल्होत्से हलमा उहाँको भनाईप्रति विरोध जनाउन बैठक डाकिएको हो ।
