काठमाडौं । राप्रपाले संगठन बिस्तारका लागि सातवटै प्रदेशका संयोजक तोकेको छ । अध्यक्ष राजेन्द्र लिङ्देनले पार्टीको केन्द्रीय कार्यसमिति र केन्द्रीय कार्यसम्पादन समिति बैठकबाट पारित गरिएको ‘नवीन राप्रपा-२०८०’को कार्ययोजना कार्यान्वयन गर्न सातवटै प्रदेशमा प्रदेश संयोजक तोक्नुभएको हो ।
पार्टी प्रवक्ता मोहन श्रेष्ठका अनुसार वरिष्ठ नेतातथा उपाध्यक्ष रोशन कार्कीलाई कोशी प्रदेश संयोजक तोकिएको छ । यसैगरी वरिष्ठ नेता, तथा उपाध्यक्ष बुद्धिमान तामाङ्ग मधेश प्रदेश ,वरिष्ठ नेता, तथा उपाध्यक्ष बिक्रम पाण्डे -बागमती प्रदेश संयोजक तोकिनु भएको छ ।
यसैगरी वरिष्ठ नेता तथा उपाध्यक्ष ध्रुब बहादुर प्रधान गण्डकी प्रदेश संयोजक, वरिष्ठ उपाध्यक्ष रविन्द्र मिश्र – लुम्बिनी प्रदेश संयोजक, उपाध्यक्ष मुकुन्द श्याम गिरी -कर्णाली प्रदेश संयोजक र उपाध्यक्ष उद्वब पौडेललाई सुदुरपश्चिम प्रदेश संयोजक तोकिएको श्रेष्ठले जानकारी दिनुभयो ।
