विराटनगर । कोशी प्रदेशका मुख्यमन्त्री हिक्मतकुमार कार्कीले विश्वासको मत माग्दै विपक्षी दललाई पत्र पठाउनुभएको छ ।
कोशी प्रदेशसभाको कार्यसूचीअनुसार आज बस्ने प्रदेशसभाको बैठकमा मुख्यमन्त्री कार्कीले विश्वासको मत लिँदै हुनुहुन्छ ।
विश्वासको मत लिनुअघि उहाँले नेपाली कांग्रेस, नेकपा (माओवादी केन्द्र) सहित प्रतिपक्षी दललाई लिखित पत्र पठाउनुभएको हो ।
माओवादी केन्द्र र जसपाले सरकार छाडेपछि अल्पमतमा परेका कार्कीले आज दिउँसो १ बजे बस्ने तेस्रो अधिवेशनको पहिलो बैठकमा विश्वासको मत लिने कार्यसूची छ ।
