काठमाडौं । काठमाडौं महानगरपालिकाले देशका विभिन्न गाउँपालिकाहरुलाई एम्बुलेन्स सहयोग गर्ने भएको छ ।
आगामी आर्थिक वर्ष २०८०/८१ को बजेट प्रस्तुत गर्दै महानगरकी उपप्रमुख सुनिता डंगोलले ३५ वटा एम्बुलेन्स खरिद गरेर विभिन्न गाउँपालिकाहरुलाई सहयोग गर्ने बताएकी हुन् ।
महानगरले एम्बुलेन्स खरिदका लागि ७ करोड रकम विनियोजन गरेको छ ।
यस्तै, महानगरपालिकाले स्थानीय समुदायमा प्रचलनमा रहेको स्थानीय पेय पदार्थलाई निजी व्यवसायीको सहकार्यमा ब्राण्डिङ गरने भएको छ। महानगरले उत्पादन र उपभोगलाई जोडन ‘अनलाइन ई कर्मस प्रोटल’ मार्फत मेट्रो मार्ट संचालनमा ल्याउन १ करोड रकम विनियोजन गरेको उपप्रमुख डंगोलले जनाईन् ।
