काठमाडौँ । महोत्तरी जिल्लामा शुक्रबारदेखि नै जन्मसिद्ध नागरिकका सन्तानलाई नागरिकता वितरण सुरु गरिएको छ ।
सर्वोच्च अदालतले नागरिकता ऐनको संशोधित व्यवस्था कार्यान्वयन नगर्न यसअघि जारी गरेको अल्पकालीन अन्तरिम आदेशलाई शुक्रबार निरन्तरता नदिने आदेश दिएको थियो ।
अदालतको आदेशलगत्तै शुक्रबारदेखि नागरिकता वितरण सुरु गरिएको महोत्तरी प्रशासनले बताएका छ ।
जिल्ला प्रशासनले नागकिरता वितरणका लागि वडा कार्यालयलाई सिफारिस गरिदिन सबै पालिकालाई पत्राचार गरिसकेको छ।
धनुषा जिल्लामा भने आइतबारदेखि जन्मसिद्ध नागरिकका सन्तानलाई नागरिकता वितरण गरिने जनाइएको छ ।
