काठमाडौं । काठमाडौंबाट भारतको राजस्थान जाँदै गरेको यात्रुबाहक बस धादिङको गल्छीमा दुर्घटना भएको छ ।
३० जना यात्रु सवार एआर ०६ ई ७०३१ नम्बरको बस गल्छी गाउँपालिका–७ को गल्छी मोडमा अनियन्त्रित भएर दुर्घटना भएको हो ।
दुर्घटनामा केही यात्रुहरु घाइते भएका र तीमध्ये एक जना बच्चाको अवस्था गम्भीर रहेको जिल्ला प्रहरी कार्यालय धादिङका डिएसपी सन्तु जयसवालले जानकारी दिए । घाइतेहरुलाई अस्पताल पठाइएको छ भने बस चालकलाई प्रहरीले नियन्त्रणमा लिएको छ ।
