काठमाडौँ । काठमाडौँ महानगरका प्रमुख बालेन शाहले हिन्दी चलचित्रको प्रदर्शनमा रोक लगाएसँगै पोखरा महानगरपालिकाका प्रमुख धनराज आचार्यले पनि हिन्दी चलचित्र प्रदर्शनमा रोक लगाउनुभएको छ ।
आइतबार सिनेमा घरलाई पत्र लेख्दै उहाँले आदीपुरुष चलचित्रमा जानकी भारतीय छोरी हुन् भन्ने शब्द नहटाएसम्म कुनै पनि हिन्दी चलचित्र प्रदर्शन हुन नदिने स्पष्ट पार्नुभएको हो ।
काठमाडौँका प्रमुख बालेनको घोषणापछि आज काठमाडौँ महानगर अन्तर्गतका कुनै पनि सिनेमा घरले हिन्दी चलचित्रको टिकट काटेका छैनन् । यसअघि महानगरले उक्त गल्ती सच्याउन तीन दिनको समय दिएको थियो ।
