काठमाडौं । वाङमय शताब्दी पुरूष डा.सत्यमोहन जोशीको मुटुमा समस्या आएपछि हिजो उहाँलाई किस्ट मेडिकल कलेजमा उपचारार्थ भर्ना गरिएको छ । आजदेखि उहाँको स्वास्थ्यमा सुधार आएको बेहोरा कलेजका प्रिन्सिपल प्रा.डा. बालमानसिंह कार्कीले बताउनुभयो ।
छाती दुख्न र पोल्न थालेपछि डा. जोशीलाई अस्पताल पुर्याइएको थियो । औषधी चलाएको आधा घन्टापछि उहाँको स्वास्थ्यमा सुधार आउन थालेको अस्पतालका निर्देशक प्रा.डा. सुरज बज्राचार्यले जानकारी दिनुभयो। प्रा.डा. बज्राचार्यले भन्नुभयो, "हिजै उहाँले घर जाने इच्छा प्रकट गर्नुभएको थियो तर हामी उहाँको विशेष उपचार गरिरहेका छौँ र पूर्ण रूपमा आराम भएपछि मात्र उहाँलाई घर पठाउने छौँ ।"
डा. जोशी र उहाँकी धर्मपत्नी राधादेवी जोशीले किस्ट मेडिकल कलेजका विद्यार्थीको अध्ययन र शोधका लागि आआफ्नो शरीर मरणोपरान्त समर्पण गर्नुभएको छ । शताब्दी पुरूष डा. सत्यमोहन जोशी वैशाख ३० गतेदेखि १०२ वर्षमा हिंड्दै हुनुहुन्छ ।
