काठमाडौं । निषेधाज्ञाबारे थप निर्णय लिन आज काठमाडौं उपत्यकाका तीनै जिल्लाका प्रमुख जिल्ला अधिकारीहरुको (सीडीओ) बैठक बस्दैछ । आजको प्रमुख जिल्ला अधिकारीहरुको बैठक दिउँसो २ बजे बस्ने तयारी रहेको बताईएको छ ।
आज बस्ने बैठकबाट निषेधाज्ञालाई सहज रुपमा पालना गर्दै कसरी अगाडी बढाउँने भन्नेबारे छलफल हुने बताईएको छ । उपत्यकामा निषेधाज्ञालाई अझै एक साता लम्ब्याईने बुझिएको छ । उपत्यकामा पछिल्लो समय लगाईएको निषेधाज्ञा भोली (३१ गते) सकिँदैछ । त्यस्तै अबको निषेधाज्ञा भने केही सहज हुने पनि अनुमान गरिएको छ ।
अब थपिने निषेधाज्ञामा पुस्तक ढुवानी र पुस्तक पसलहरु खुल्न सक्नेछन् । त्यस्तै निश्चित समयावधी तोकेर कृषी र विकास निर्माणमा क्षेत्रमा पनि खुकुलो बनाईनेछ । त्यस्तै अन्य क्षेत्रमा पनि सावधानी अपनाउँदै केही हदसम्म खुकुलो गरिनेबारे खआजको बैठकले निर्णय गर्ने बताईएको छ । पछिल्लो समय उपत्यकामा कोरोना संक्रमण घटे पनि सतर्कता भने अझै अपनाउनुपर्ने भएको भन्दै थप एक साता निषेधाज्ञा थपिन लागेको हो ।
