काठमाडौँ । एसिसी प्रिमियर कपमा सिंगापुरविरुद्ध युएईका कप्तान मोहम्मद वासिमले चौका र छक्को वर्षा गराउँदै १ सय ६० रन बनाएका छन् ।
टियु क्रिकेट मैदानमा जारी खेलमा वासिमले ८२ बलमा ९ चौका र १६ छक्कासहित १ सय ६० रन बनाएर आउट भएका हुन् ।
वासिमले सिंगापुरका आदित्य भर्गवको २८ औं ओभरको पाँचौं बलमा आउट भएपछि दोहोरो शतकको अवसर गुमाएका थिए । वासिमले ३४ बलमा अर्धशतक पूरा गरे भने ६२ बलमा शतक पूरा गरे । उनले ७८ बलमा १ सय ५० रन पूरा गरेका थिए ।
वृत्य अरविन्द र वासिमले दोस्रो विकेटका लागि २ सय ४६ रनको साझेदारी गरेका थिए ।
टियु क्रिकेटम मैदानमा टस जितेर पहिला ब्याटिङ रोजेको युएईले ३३ ओभरमा ४ विकेट गुमाउँदै ३०३ रन बनाएको छ ।
