काठमाडौँ । नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीको स्वागत गर्दा हवाई सुरक्षाको गम्भीर उल्लंघन भएको छ ।
सोमबार नेपालगञ्ज विमानस्थलमा विमान अवतरण गर्ने क्रममा कार्यकर्ताको ठूलो भीड अध्यक्ष ओलीलाई स्वागत गर्न बुद्ध एयरको ढोकैमा पुगेको थियो ।
अध्यक्ष ओली सोमबार बिहान ९:३० बजे नेपालगञ्ज विमानस्थलमा अवतरण गर्दा कार्यकर्ताको ठूलो भीडले हवाई सुरक्षाको उल्लंघन गर्दै स्वागत गर्न पुगेको थियो । विमानस्थलभित्र सर्वसाधारण र यात्रुलाई समेत बोर्डिङ पासबिना विमान नजिकै जान दिइँदैन तर अध्यक्ष ओलीको स्वागतमा भने जहाजको ढोकामै कार्यकर्ताको ठूलो भिड लागेको थियो ।
