काठमाडौं । राष्ट्रपति रामचन्द्र पौडेलको प्रेस सल्लाहकारमा किरण पोखरेल नियुक्त हुनुभएको छ । राष्ट्रिय सूचना आयोगका पूर्वआयुक्त समेत रहनुभएका पोखरेललाई राष्ट्रपति पौडेलले आइतबार प्रेस सल्लाहकार नियुक्त गर्नुभएको हो ।
पत्रकारितामा क्रियाशील उहाँ नेपाली कांग्रेस निकट नेपाल प्रेस युनियनका पूर्वअध्यक्ष हुनुहुन्छ । यस्तै, उहाँ हिमालयन टाइम्सका सम्पादक समेत हुनुहुन्छ ।
राष्ट्रपति पौडेलले यसअघि राजनीतिक सल्लाहकारमा नेपाली कांग्रेसका केन्द्रीय सदस्य सुनिलबहादुर थापा, आर्थिक सल्लाहकारमा राष्ट्र बैंकका पूर्व गभर्नर डा. चिरञ्जीवी पौडेल, प्रमुख स्वकीय सचिवमा पूर्वराजदूत डा सुरेशचन्द्र चालिसे तथा कानूनी सल्लाहकारमा बाबुराम कुँवरलाई नियुक्त गरिसक्नुभएको छ ।
