एजेन्सी । टाइम म्यागजिनको रिडर्स पोलमा बलिउड स्टार शाहरुख खान सबैभन्दा प्रभावशाली व्यक्तित्व बनेका छन् । २०२३ टाइम १०० पोलमा शीर्ष स्थानमा रहेका किङ खानले ४ प्रतिशत भोट पाएका छन् । दोस्रो नम्बरमा बुर्का र हिजाबको विरुद्धमा प्रदर्शन गर्ने इरानी महिलाहरूको समूह छ ।
विश्वभरका कोभिड स्वास्थ्यकर्मीहरू तेस्रो नम्बरमा थिए । बेलायतका राजकुमार ह्यारी र उनकी श्रीमती चौथो र फुटबलर लियोनल मेसी पाँचौं नम्बरमा छन् ।
टाइम म्यागजिनका अनुसार यस सर्वेक्षणमा विश्वभरबाट १२ लाख मानिसले भाग लिएका थिए र मतदान गरेका थिए । यस पोलमा शाहरुखले ४ प्रतिशत, दोस्रो नम्बरमा रहेका बुर्काको विरोध गर्ने इरानी महिलाले ३ प्रतिशत मत पाएका छन् । इरानी महिलाले म्यागजिनको सन् २०२२ को वर्ष व्यक्तिको उपाधि पनि प्राप्त गरिसकेका छन् ।
यस्तै, राजकुमार ह्यारी र मेगन चौथो नम्बरमा छन्, जसले १.९ प्रतिशत भोट पाएका छन् । जब ह्यारीले यस वर्ष आफ्नो जीवनी स्पेयरको लागि हेडलाइन बनाए, मेघनले आर्चेटाइप्स भनिने पोडकास्ट होस्ट गरे । यही कारण थियो कि दुबै शाही परिवारका सदस्यको बारेमा धेरै चर्चा भएको थियो । फुटबलर लियोनल मेसी १.८ प्रतिशत भोटका साथ पाँचौं स्थानमा छन् ।
