काठमाडौं । सत्तारुढ गठबन्धन सरकारले पूर्णता पाएको ६ महिनाभित्र नागरिकता ऐन ल्याउने प्रतिवद्धता जनाएको छ ।
बिहीबार सरकारको न्यूनतम साझा कार्यक्रम प्रस्तुत गर्दै सञ्चार तथा सूचना प्रविधिमन्त्री रेखा शर्माले सरकारले पूर्णता पाएको ६ महिनाभित्र नागरिकता ऐन पारित गर्ने घोषणा गरेकी हुन् ।
त्यस्तै न्यूनतम साझा कार्यक्रममा नागरिकता ऐनमा लैंगिक विभेद अन्त्य गर्ने विषय पनि राखिएको छ ।
त्यस्तै, सत्ता गठबन्धन सरकारले ६ महिनाभित्र प्रहरी समायोजन गर्ने, संघीयताको चुस्त कार्यान्वयनका लागि अधिकार सम्पन्न उच्चस्तरीय प्रशासनिक सुधार आयोग बनाउने पनि घोषणा गरेको छ ।
