जनकपुरधाम । धनुषामा ११ वर्षीया छात्रामाथि बलात्कारको आरोपपछि शिक्षक फरार भएका छन् ।
धनुषाको सबैला नगरपालिका ३ स्थित सनराइज बोर्डिङ स्कुलको कक्षा २ मा अध्ययनरत ११ वर्षीया छात्रामाथि बलात्कारको आरोप लागेका शिक्षक दीपेन्द्र यादव फरार रहेका हुन् ।
बुधबार यादवले नाबालिग छात्रालाई शौचालयमा थुनेर जबर्जस्ती गरेको बताइएको छ । विद्यार्थीहरुले शौचालयबाट शिक्षक र छात्रा एकसाथ निस्केको देखेपछि शिक्षक भागेका बताएका छन् ।
नाबालिगलाई हिजै प्रादेशिक अस्पताल जनकपुरधाम लगेर स्वास्थ्य परीक्षण गराएको प्रहरीले बताएको छ । बोर्डिङका प्रिन्सिपल हरि श्रेष्ठलाई अनुसन्धानको लागि प्रहरीले नियन्त्रणमा लिएको छ ।
