एजेन्सी । भारतीय कमेडि रियालिटी शो कपिल शर्मा शोको नयाँ प्रोमो हालै सार्वजनिक भएको छ । शोको यस एपिसोडमा अक्षय कुमार, मौनी रोय, नोरा फतेही र सोनम बाजवा अतिथिको रुपमा आउनेछन् ।
शोको क्रममा, कपिलले अर्चना पूरन सिंहलाई ठट्टा गर्दै नोराले मिडियामा केटा र केटी डेटमा गए भने केटाले सधैं बिल तिर्नु पर्छ भनेर मिडियामा बयान दिएको बताएका थिए ।
यसैमा अर्चना नोरालाई भन्छिन्– ‘अब समय बदलिएको छ, संसार बदलिएको छ । अहिले महिलाले पैसा तिरिरहेका छन् ।’ अर्चनाको कुरा सुनेर नोराले भनिन्– ‘तपाईले बिल तिर्न सक्नुहुन्छ तर म सक्दिनँ ।’
शोको यो भिडियो सामाजिक सञ्जालमा निकै चर्चामा छ ।
