काठमाडौँ । उपप्रधानमन्त्री एवं अर्थमन्त्री विष्णु पौडेल भारतको बेङ्गलोरमा आयोजित जी–२० का अर्थमन्त्रीहरुको सम्मेलनमा भाग लिई शनिबार राति स्वदेश फर्कनुभएको छ ।
उहाँले जी–२० सम्मेलनमा भाग लिनुका साथै भारतीय अर्थमन्त्री निर्मला सीतारमण, चीनका अर्थमन्त्रालयका उपमन्त्री वाङ दङवैलगायतसँग भेट गर्नुभएको थियो । साथै उहाँले उहाँहरुकोसँगको भेटमा अर्थतन्त्र र विकासका विविधि आयामबारे छलफल गर्नुभएको जनाइएको छ ।
शुक्रबार र शनिबार सम्पन्न जी–२० सम्मेलनमा भाग लिन अर्थमन्त्री पौडेल बिहीबार भारत जानुभएको थियो । नेपाल जी–२० को सदस्य मुलुक होइन । यद्यपि सम्मेलनमा भाग लिन भारतले निमन्त्रणा गरेको थियो ।
