एजेन्सी । स्पेनिस फुटबल लिग ला लिगा अन्तर्गत एट्लेटिको मड्रिडले बराबरी खेलेको छ । शनिबार राति भएको खेलमा एट्लेटिकोले गेटाफेसँग १–१ गोलको बराबरी खेल्दै अंक बाँडेको हो ।
खेलको ६० औं मिनेटमा एन्जेल कोरीयाले गोल गर्दै एट्लेटिकोलाई सुरुवाती अग्रता दिलाएका थिए । तर, ८३ औं मिनेटमा एनेस युनालले पेनाल्टीमार्फत गोल गर्दै गेटाफेलाई १–१ को बराबरीमा ल्याए ।
त्यसपछि खेलमा थप गोल हुन नसक्दा दुबै टिम अंक बाँड्न बाध्य भए । बराबरीसँगै २० खेलबाट ३५ अंकसहित एट्लेटिको तालिकाको चौंथो स्थानमा रहेको छ । समान खेलबाट १८ अंकसहित गेटाफे १९ औं स्थानमा छ ।
