काठमाडौं । राष्ट्रिय स्वतन्त्र पार्टी(रास्वपा)का सभापति रवि लामिछानेले प्रधानमन्त्री पुष्पकमल दाहाल प्रचण्डसँग भेटवार्ता गर्नुभएको छ ।
आइतबार साँझ लामिछाने प्रधानमन्त्री दाहाललाई भेट्न उहाँको सरकारी निवास बालुवाटार पुग्नुभएको हो ।
आजै नेपाली नागरिकताको प्रमाणपत्र लिनुभएका उहाँ आज नै राष्ट्रिय स्वतन्त्र पार्टीको सभापतिमा पुनः मनोनित हुनुभएको थियो ।
अमेरिकी नागरिकता त्यागेपछि नेपाली नागरिकता लिने प्रक्रिया पूरा नगरेपछि सर्वोच्चको फैसलासँगै शुक्रबार उहाँ उपप्रधान तथा गृहमन्त्रीबाट पदमुक्त हुनुभएको थियो ।
यसैबीच लामिछाने सभापतिमा फर्किएपछि पार्टीले गति प्राप्त गरेको र गृह मन्त्रालयमा पार्टीको दाबी यथावत रहेको जनाएको छ ।
