एजेन्सी । वेल्सका कप्तान तथा फरवार्ड ग्यारेथ बेलले फुटबल खेल जीवनबाट सन्यासको घोषणा गरेका छन् । ३३ वर्षीय बेलले फुटबल खेल जीवनबाट सन्यास घोषणा गरेका हुन् । बेलले सामाजिक संजालबाट सन्यासको घोषणा गरे ।
बेल वेल्सका लागि सर्वाधिक खेल खेल्ने खेलाडी हुन् । उनले वेल्सका लागि १ सय ११ खेल खेल्दै ४१ गोल गरेका छन् ।
साउथह्याम्पटनबाट व्यवसायिक फुटबलको सुरुवात गरेका बेलले टोटेनहम र रियल मड्रिडबाट खेलेका थिए । टोटेनहमबाट १४६ खेलमा ४२ गोल गरेका उनले रियलबाट १७६ खेलमा ८१ गोल गरे ।
पछिल्लो पटक उनले अमेरिकाको एमएलएस क्लब लस एन्जलस एफसीबाट खेलेका थिए । उनले त्यहाँ १२ खेलमा २ गोल गरे । यस्तै, बेलको नेतृत्वमा वेल्सले कतार विश्वकप खेलेको थियो ।
