विराटनगर । प्रदेश १ का नवनियुक्त मुख्यमन्त्री हिक्मतकुमार कार्कीले आज पद तथा गोपनीयताको सपथ लिँदै हुनुहुन्छ । उहाँसँगै ३ जना मन्त्रीले पद तथा गोपनीयताको सपथ लिने भएका छन् ।
केन्द्रमा नेकपा (माओवादी केन्द्र) ले प्रदेश १ मा नेकपा (एमाले) लाई सम्पूर्ण कार्यकाल मुख्यमन्त्री बनाउने सहमति गरपछि असन्तुष्ट बनेको प्रदेशको माओवादी केन्द्रले तत्काल सरकारमा नजाने स्पष्ट गरेको छ ।
आज माओवादी केन्द्रबिनै ३ मन्त्रीले सपथ लिनुहुने जनाएको छ । एमालेबाट तिलकुमार मेन्याङ्बो, राष्ट्रिय प्रजातन्त्र पार्टी (राप्रपा) बाट भक्ति सिटौला र जनता समाजवादी पार्टी (जसपा) बाट निर्मला लिम्बूले सपथ लिनुहुनेछ । मन्त्रीहरुको मन्त्रालयल अहिलेलाई नतोकिएको बताइएको छ ।
