काठमाडौँ । नेकपा (एमाले) का अध्यक्ष केपी शर्मा ओलीको निवास बालकोटमा अहिले पाँच दलका शीर्ष नेताहरु सरकार गठनबारे छलफलमा व्यस्त हुनुहुन्छ ।
सत्ता गठबन्धनबीच शक्ति बाँडफाँटमा सहमति हुननसकेपछि नेकपा (माओवादी केन्द्र) का अध्यक्ष पुष्पकमल दाहाल प्रचण्ड बैठकस्थल बालुवाटारबाट सोझै बालकोट पुग्नुभएको थियो ।
अहिले बालकोटमा एमाले, माओवादी केन्द्र, राष्ट्रिय प्रजातन्त्र पार्टी (राप्रपा), राष्ट्रिय स्वतन्त्र पार्टी (रास्वपा) र जनता समाजवादी पार्टी (जसपा)का शीर्ष नेताहरुबीच सरकार गठनबारे छलफल भइरहेको छ ।
नयाँ गठबन्धनबीच भएको छलफलमा एमाले अध्यक्ष ओली, माओवादी केन्द्रका अध्यक्ष प्रचण्ड, राप्रपाका अध्यक्ष राजेन्द्र लिङ्देन, रास्वपाका अध्यक्ष रवि लामिछाने र जसपाका नेता अशोक राई सहभागी हुनुहुन्छ ।
सरकार गठन गर्न यी पाँच दलबाट आवश्यक बहुमत सजिलै पुग्ने देखिन्छ । सरकारको नेतृत्व कसले गर्ने र सरकारमा कुन कुन दल सहभागी हुने भन्नेबारे छलफल भइरहेको बुझिएको छ ।
संसद्मा एमालेको ७८, माओवादी केन्द्रको ३२, रास्वपाको २०, राप्रपाको १४ र जसपाको १२ सिट रहेको छ । प्रतिनिधिसभामा कुल २७५ सिटमध्ये पाँच दलको १५६ सिट पुग्छ । यो बहुमतको सरकार ९१३८ सिट आवश्यक० बनाउन पर्याप्त सिट संख्या हो ।
