काठमाडौँ । डेढ वर्षपछि नेकपा (एमाले) अध्यक्ष केपी शर्मा ओली, नेकपा (माओवादी केन्द्र)का अध्यक्ष पुष्पकमल दाहाल प्रचण्ड र नेकपा (एकीकृत समाजवादी)का सम्मानित नेता झलनाथ खनालबीच अनौपचारिक भेट भएको छ ।
राष्ट्रपति कार्यालय शीतल निवासमा ज्येष्ठ सदस्य पशुपतिशमशेर जबराको पद तथा गोपनीयताको सपथ कार्यक्रममा तीन पूर्वप्रधानमन्त्रीको भेट जुरेको हो ।
तीनै नेता पूर्वप्रधानमन्त्रीको हैसियतमा सपथ कार्यक्रममा सहभागी भएका थिए । ओली, प्रचण्ड र खनाललाई तीनवटा कुर्सीमा सँगै बसेको देख्न सकिन्छ । उनीहरूबीच छोटो संवाद समेत भएको थियो ।
एमाले अध्यक्ष ओलीको निजी सचिवालयले सार्वजनिक गरेको तस्बिरमा तीनैजनाबीच भलाकुसारी गरिरहेको देखिन्छ । निर्वाचनको परिणामपछि तीन नेताबीच पहिलोपटक भेट भएको हो ।
