एजेन्सी

बेइजिङ । चीनमा कोरोना भाइरसको संक्रमण लगातार बढिरहेको छ । सयौं मानिस मरिरहेका छन् । चिहान र शवदाह स्थल अगाडि मानिसको भीड छ । तर चीनले कोरोनाका केसहरू लुकाउन खोजिरहेको छ।

चीनले त्यहाँ कोरोनाका गम्भीर केसहरू नभएको बताए पनि चीनबाट बाहिरिएका तस्बिरहरूले अर्कै कथा बताउँदैछन्। चीनको अस्पतालबाट भिडियोहरू आएका छन्, जसमा बिरामीहरूको लागि कुनै ठाउँ छैन। डाक्टरहरूले मानिसहरूलाई बचाउन सक्दो प्रयास गरिरहेका छन्।

भुइँमै भेन्टिलेटर

चीनको एउटा भिडियोमा डाक्टरहरूले बिरामीको छाती भुइँमा थिचेको देखाइएको छ। यससँगै शय्याको अभावमा अन्य धेरै बिरामी भुइँमा लडिरहेका छन् । बिरामीहरूलाई चिसो भुइँमा नै भेन्टिलेटरमा जडान गरिएको छ।

भिडियो चीनको चोङकिङ सहरको एउटा अस्पतालको रहेको बताइएको छ । चीनबाट बाहिरिएका तस्विरहरूले कोरोनाको ओमिक्रोन भेरियन्टको भयावह अवस्थाको प्रमाण दिन्छ।

किन बढ्दै छ कोरोना ?

वास्तवमा चिनियाँ राष्ट्रपति सी जिनपिङले चीनमा शून्य कोभिड नीति लागू गरेका थिए। यसअन्तर्गत मानिसहरूलाई घरबाट बाहिर निस्कन दिइएको छैन।

त्यसलाई खारेज गर्न जनताको बारम्बार माग थियो । डिसेम्बरको प्रारम्भिक हप्तामा चीनमा कुनै तयारीबिना शून्य कोभिड नीति खारेज गरियो।

अधिकांश मानिस यस्ता छन् जसलाई खोपको बुस्टर डोज दिइएको छैन। तीमध्ये ठूलो संख्यामा वृद्धवृद्धा छन् । अचानक गरिएको खुकुलोपनले ठूलो मात्रामा मानिसहरूको आवागमन बढ्दा कोरोनाका केसहरू बढेको छ।

चिनियाँ सरकारले मानिसहरूलाई महिनौँसम्म घरमै थुनेर राखेको थियो। अहिले अचानक आवागमनमा खुकुलो बनाइएको छ । कोरोना बढ्दै गएको छ तर चिनियाँ सरकारले जनतालाई आफ्नो काममा जान आग्रह गरिरहेको छ । वुहु, चोङकिङ र गुइयाङ सहर र झेजियाङ प्रान्तका सरकारी कर्मचारीहरूलाई काममा फर्किन निर्देशन दिइएको छ।

हल्का र लक्षणबिनाका बिरामीहरूलाई सुरक्षा उपकरणका साथ काममा फर्कन आदेश दिइएको छ। चिकित्सा क्षेत्रसँग सम्बन्धित कर्मचारीहरू साइटमै बसिरहेका छन्। उनीहरुलाई घर जान दिइएको छैन ।

चीनले रिपोर्ट जारी गर्न बन्द गर्यो

चीनमा कोरोनाको ओमिक्रोन भेरियन्टको द्यँ।ठ सबभेरियन्टले कहर मच्चाएको छ। यो भेरियन्ट यति खतरनाक छ कि एक संक्रमित व्यक्तिले १० देखि १८ जनालाई संक्रमित गर्न सक्छ।

एकातिर विज्ञहरूले यसबारे चेतावनी दिइरहेका छन् भने अर्कोतर्फ चीनले संक्रमितको तथ्यांक सार्वजनिक गर्न बन्द गरेको छ ।

चीनमा अनिवार्य कोरोना परीक्षण खारेज गरिएको छ, जसका कारण संक्रमितको यकिन तथ्याङ्क थाहा हुन सकेको छैन । तर प्रतिवेदनका अनुसार अझै पनि दैनिक १० हजारभन्दा बढी केस रिपोर्ट भइरहेका छन् ।