रुपन्देही । रुपन्देही क्षेत्र नम्बर २ प्रतिनिधिसभा सदस्यमा निर्वाचित नेकपा (एमाले)का उपाध्यक्ष विष्णु पौडेलले आफू निर्वाचित भएको प्रमाणपत्र ग्रहण गर्नु भएको छ ।
शनिबार अपरान्ह २७ हजार १४८ मत ल्याई निर्वाचित हुनु भएका उहाँलाई निर्वाचन अधिकृत उद्वीर नेपालीले रुपन्देही क्षेत्र नम्बर २ बाट निर्वाचित भएको प्रमाण पत्र वितरण गर्नुभएको हो । उहाँको निकटतम प्रतिद्वन्द्वी राष्ट्रिय स्वतन्त्र पार्टीका उम्मेदवार गणेश पौडेलले २५ हजार ७८२ मत प्राप्त गर्नु भएको थियो ।
कार्यक्रममा सोही क्षेत्रको (१)मा निर्वाचित प्रदेशसभा सांसद लिला गिरी र (२) मा निर्वाचित प्रदेश सांसद भोजप्रसाद श्रेष्ठले पनि आफू निर्वाचित भएको प्रमाण पत्र ग्रहण गर्नु भयो ।प्रदेशसभामा निर्वाचित गिरी र श्रेष्ठ पनि एमालेबाट निर्वाचित हुनु भएको हो । प्रमाणपत्र ग्रहण गरेलगत्तै एमालेका नेता, कार्यकर्ताहरु उत्साहका साथ विजय जुलुसमा सहभागी भएका थिए ।
