काठमाडौँ । वाणिज्य बैंकहरुले मंसिर महिनामा निक्षेपको ब्याजदर स्थिर राख्ने भएका छन् । बैंकर्स संघको मंगलबार बिहान बसेको बैठकले निक्षेपको ब्याजदर यथावत राख्ने निर्णय गरेको हो ।
बैठकले अर्थतन्त्रको सूचकहरुमा स्थिर नै रहेकोले ब्याजदरमा तल/माथि गर्नुपर्ने अवस्था नदेखिएको निष्कर्ष निकालेको छ ।
संघका अनुसार मुख्य आर्थिक सूचकहरु र मुद्रास्फीति पहिलेकै ठाउँमा छ । बैठकमा मौद्रिक नीतिको प्रथम त्रैमासिक समीक्षाले लिने लक्ष्यअनुसार पुसमा ब्याजदर तल/माथि गर्न सकिनेबारे छलफल भएको तर कुनै औपचारिक सहमति नभएको बताइएको छ ।
वाणिज्य बैंकहरुले भदौसम्म व्यक्तिगत मुद्दती निक्षेपमा ११.०३ प्रतिशत तथा संस्थागत मुद्दती निक्षेपमा ९.०३ र बचतमा न्यूनतम ६.०३ देखि अधिकतम ९।०३ प्रतिशत ब्याजदर कायम गरेका थिए ।
असोजमा १० प्रतिशतका दरले वृद्धि भएर व्यक्तिगत मुद्दती निक्षेपको ब्याजदर १२.१३३ प्रतिशत तथा बचतको न्युनतम ७.१३३ र अधिकतम ९.९३३ प्रतिशतसमम पुगेको छ ।
