धनगढी । चुनावी सभालाई सम्बोधन गर्न प्रधानमन्त्री एवं नेपाली कांग्रेसका सभापति शेरबहादुर देउवा डडेल्धुरा पुग्नुभएको छ । देउवाको स्वागतका लागि कांग्रेसका कार्यकर्ता सँगै चुनावी प्रतिस्पर्धामा रहेका गुल्मीका युवक सागर ढकाल पनि माला बोकेर उभिएका छन् ।
२०४८ सालदेखि लगातार डडेलधुराबाट चुनाव जित्दै आएका देउवालाई यसपटक हराउने भन्दै ढकालले स्वतन्त्र उम्मेदवारी दिएका छन् ।
ढकालले देशको प्रधानमन्त्रीको स्वागत गर्नका लागि आफू उभिएको सञ्चारकर्मीहरूलाई बताए । उनले भने‚ ‘सदैव मतदाताले स्वागत गरे यसपटक म उनको प्रतिस्पर्धामा उभिएको उम्मेदवार पनि लाइनमा उभिएको छु । बाजे पुस्ता र नाती पुस्तामा यही फरक हो । जनताले पनि यो पुस्तान्तरणलाई बुझ्न सकून् भनेर म उनको स्वागतको प्रतीक्षामा माला बोकेर उभिएको हुँ ।’
