एजेन्सी । विश्वका सबैभन्दा धनी व्यक्ति तथा टेस्ला कम्पनीका मालिक एलन मस्कले ट्विटरका प्रमुख कार्यकारी अधिकृत पराग अग्रवाललाई बर्खास्त गरेका छन् ।
उनीसँगै मुख्य वित्तीय अधिकारी (सीएफओ) नेद सहगल र कानुनी मामिला तथा नीति प्रमुख विजया गड्डेलाई पनि बर्खास्त गरिएको छ ।
उनले सामाजिक सञ्जाल प्लेटफर्ममा नक्कली खाताहरूको संख्याको बारेमा आफू र ट्विटरका लगानीकर्ताहरूलाई भ्रमित गरेको आरोप लगाएका छन् । मिडिया रिपोर्टका अनुसार पराग अग्रवाल र नेद सहगलले कम्पनीको सान फ्रान्सिस्को मुख्यालय छोडेका छन् ।
अक्टोबर २७ मा, एलन मस्क सान फ्रान्सिस्कोमा ट्विटरको मुख्यालय पुगे र कर्मचारीहरूसँग कुरा गरे । त्यसका केही तस्विरहरु ट्वीटरमा शेयर गरिएको छ ।
मस्कले आफ्नो ट्विटर ह्यान्डलको बायो पनि परिवर्तन गरेका छन् । उनले बायोमा ुचीफ ट्विटु लेखेका छन् ।
