काठमाडौँ । आसन्न प्रतिनिधिसभा र प्रदेशसभा निर्वाचनमा आफ्ना पक्षकालाई बढीभन्दा बढी टिकट दिलाउन नेपाली कांग्रेसको शेखर कोइराला पक्ष छलफलमा जुटेको छ ।
स्वयम्भूमा बसेको शेखर पक्षको बैठकले प्रधानमन्त्री एवं पार्टी सभापति शेरबहादुर देउवालाई दबाब दिने उद्देश्यले भोलि शनिबार भेलाको तयारी गर्ने भएको छ ।
बैठकमा शेखर पक्षका केन्द्रीय सदस्य, केही जिल्ला सभापति, पूर्व जिल्ला सभापति, प्रदेश समितिका पदाधिकारी, भातृ संस्थाका नेताहरुलगायत सहभागी भएको बताइएको छ ।
शेखर पक्षले आसन्न निर्वाचनमा आफ्नो पक्षकालाई सम्मानजनक हिस्सेदारी माग गर्न पार्टी सभापति देउवालाई दबाब बढाउने उद्देश्यले भेला गर्न लागेको बताएको छ ।
