ललितपुर । नेकपा एमालेको केन्द्रीय कमिटीको चौथो बैठक सुरु भएको छ ।पार्टी केन्द्रीय कार्यलय च्यासलमा सुरु भएको बैठकमा अध्यक्ष केपी ओलीले सम्बोधनसँग राजनीतिक प्रतिवेदन पेश गर्ने कार्यक्रम रहेको छ ।
अध्यक्ष ओलीको राजनीतिक प्रतिबेदनमाथी समूहगत रुपमा छलफल हुने छ । यस संगै बैठकमा अन्य ११ वटा एजेण्डामा छलफल हुने पार्टी केन्द्रीय कार्यलयले जनाएको छ । एक केन्द्रीय सदस्यका अनुसार ,अध्यक्षको राजनीतिक प्रतिवेदन,केन्द्रीय कमिटी सदस्यहरूको शपथ र कार्यविभाजन, सचिवालयका निर्णय अनुमोदन गर्ने एजेण्डा रहेको छ ।
यसैगरी उम्मेदवारको छनोटको मापदण्ड, स्थानीय निर्वाचन छानविन कमिटीको प्रतिवेदन, सदस्यता अभिलेख व्यवस्थापन, सल्लाहकार परिषद् र तीनै आयोगका प्रतिवेदन पेश गर्ने एजेण्डा रहेको छ ।
बैठकमा भारत प्रवासको कामका सम्बन्धमा नियामवली ,पार्टी कामसँग सम्बन्धित केही नियमहरू निर्माणर समसामयिक प्रस्तावहरु माथी छलफल हुने छ । बैठक भोली सम्म् चल्ने छ ।
