काठमाडौँ । नेकपा (माओवादी केन्द्र) का अध्यक्ष पुष्पकमल दाहाल प्रचण्ड जापान भ्रमण सकेर स्वदेश आइपुगेका छन् । प्रचण्ड बुधबार अपरान्ह काठमाडौँ आइपुगेका हुन् ।
स्वदेश फर्केपछि त्रिभुवन विमानस्थलमा संवाददाताहरूसँग कुरा गर्दै प्रचण्डले आफ्नो भ्रमण नेपाल र जापान सम्बन्धलाई थप मजबुत बनाउन सहयोगी हुने बताए ।
यस्तै, राष्ट्रपतिबाट प्रमाणीकरण हुन बाँकी रहेको नागरिकतासम्बन्धी विधेयकबारे सोधिएको प्रश्नमा प्रचण्डले राष्ट्रपतिले विधेयक रोक्नुहुन्न भन्ने आफूलाई लागेको बताए । दुबै संसदबाट पारित भएको नागरिकता विधेयक प्रमाणीकरणका लागि राष्ट्रपति कार्यालयमा पुगेको छ ।
प्रचण्डले फरक प्रसंगमा पार्टीका पदाधिकारी छिट्टै टुंग्याउने समेत जानकारी गराए । उनी गत शुक्रबार राति जापान भ्रमणमा गएका थिए ।
