काठमाडौं । नेपाल भ्रमणमा रहेका चिनियाँ कम्युनिष्ट पार्टी (सीपीसी) का विदेश विभाग प्रमुख लिउ जियानचाओले आज नेकपा माओवादी केन्द्रका अध्यक्ष पुष्पकमल दाहाल प्रचण्ड संग भेट गर्दै हुनुहुन्छ ।
दिउसो चार बजे प्रचण्ड निवास खुमलटारमा उहाँहरु बीच भेट हुने कार्यक्रम रहेको छ ।चार दिने नेपाल भ्रमणका लागि आईतबार काठमाडौ आईपुग्नु भएका लिउले प्रधानमन्त्री शेरबहादुर देउवा र परराष्ट्रमन्त्री डा. नारायण खड्कासँग भेटघाट गरिसक्नु भएको छ ।
लिउले नेकपा एमालेका अध्यक्ष केपी शर्मा ओली ,एकीकृत समाजवादीका अध्यक्ष माधव कुमार नेपाल लगायतका नेताहरु संग पनि भेट गर्दे हुनुहुन्छ । उहाँले मंगलबार बिहान राष्ट्रपति विद्यादेवी भण्डारीसँग भेटगर्ने कार्यक्रम रहेको छ । ८ सदस्यीय चिनियाँ टोली बुधबार राती स्वदेश फर्कने छ ।
