काठमाडौं । नाबालिगमाथि जबर्जस्ती करणीको अभियोग सामना गरिरहेका अभिनेता पल शाहको मुद्दामा उच्च अदालत पोखरामा सुनुवाइको बहस सकिएको छ ।
न्यायाधीश उज्ज्वल शुक्ला र श्रीधरा कुमारी पुडासैनीको संयुक्त इजलासमा बहस भएको थियो । आरोपित पल तनहुँ कारागारमा छन् ।
पलका वकिलहरूले कारागार चलान गर्ने जिल्ला अदालतको फैसलाविरुद्ध उच्च अदालतमा निवेदन दिएका थिए ।
पललाई साधारण तारेखमा रिहा गर्नुपर्ने उनीहरूको माग छ । अब आदेश के आउँछ भन्ने चासोको विषय बनेको छ ।
