अमेरिकामा एक बन्दुकधारीले फेरि अन्धाधुन्ध गोली चलाएर चार जनाको हत्या गरेका छन् ।
ओक्लाहोमास्थित टुल्सा मेडिकल क्याम्पसमा राइफल र सटगन सहित प्रवेश गरेका ती व्यक्तिले अस्पताल भित्र जथाभावी गोली चलाएको प्रहरीको भनाइ छ ।
प्रहरी कारबाहीमा गोली चलाउने व्यक्ति पनि मारिएका छन् ।
उक्त गोलीकाण्डको कारण भने खुलीसकेको छैन ।
केही दिन अघि मात्र अमेरिकामै विभत्स गोलीकाण्ड भएको थियो जसमा उभाल्डे प्राथमिक विद्यालयका १९ जना स्कुले बालबच्चा मारिएका थिए ।
