एजेन्सी । तमिल सुपरस्टार थालापती विजयले ११ जनाविरुद्ध अदालतमा मुद्दा दर्ता गराएका छन् । यी ११ जनामा आफ्ना पिता एसए चन्द्रशेखर र आमा शोभा समेत रहेका छन् ।
कसैलाई पनि आफ्नो नामको प्रयोग गरेर मानिसहरु जम्मा गर्न र कुनै पनि किसिमको बैठक गर्न नदिन अदालतसँग विजयले अपिल गरेका छन् । अब यो मुद्दामा २७ सेप्टेम्बरमा सुनुवाइ हुनेछ ।
विजयले आफ्नो याचिकामा भनेका छन्, पिता एसए चन्द्रशेखर, आमा शोभासमेत ११ मानिसले मेरो नामको प्रयोग गरेर कुनैपनि सभा आयोजना या भिडभाड गर्न नपाउन् ।
यो विवाद तब सुरु भएको थियो जब विजयका पिताले आफ्नो छोरा (विजय) राजनीतिमा आउन लागेको र आफ्नो नाममा एक राजनीतिक पार्टी पनि दर्ता गर्न लागेको बताएका थिए । विजयका बुबाले आफ्नो एक आफन्त पध्नाभनलाई उक्त पार्टीको अध्यक्ष र पत्नी शोभालाई कोषाध्यक्ष समेत घोषणा गरेका थिए ।
